Клинтоны хоёр настай зээ охин “өнөөдөр, би ч бас муслим” жагсаалд оролцжээ

АНУ-ын ерөнхийлөгч асан Билл Клинтон, Хиллари Клинтон нарын ганц охин Челси Клинтон хоёр жилийн Шарлотте охиноо төрүүлж байв. Тэрбээр бяцхан охиноо дүрвэгсдийн төлөөх жагсаалд дагуулан оролцсон байна.  Энэ нь хоёр настай Шарлотте охины хувьд хамгийн анхны эсэргүүцлийн жагсаал гэнэ.Ням гарагт Нью Йорк хотын Тайм Скуэрт болсон “Өнөөдөр, би ч бас муслим” жагсаалд ерөнхийлөгч Трампын дүрвэгсэд болон муслим шашинтнуудад тавьсан хоригийг эсэргүүцсэн олон мянган иргэд оролцжээ. Жагсагчид Америкийн төрийн далбаагаар хижаб зүүсэн муслим эмэгтэйн зургийг барьж жагссан юм. Жагсаалд оролцогчид хэлэхдээ, бид энд Доналд Трампын шийдвэрээс болж нэгдэж байна, биднийг энэ газарт нэгэн зорилгын төлөө нэгдэхэд түлхэц өгсөн түүнд баярламаар ч юм шиг хэмээн ярьжээ. Жагсаалд энгийн иргэдээс гадна хип хопын домог Рассел Симмонс болон алдарт жүжигчин Сузан Сарандон нар оролцжээ.

И.МӨНХЦЭНГЭЛ