Дуучин ВХ улс төрчдийг уран бүтээлээрээ шүүмжиллээ

Дуучин ВХ ард түмэндээ “Зөв бүхний төлөө бүгдээрээ гараа өргөцгөөе, дэмжицгээе хэмээн уриаллаа.  Тэрээр амласан ёсоор фэнүүддээ шинэ цомгоороо бэлэг барих гээд тун ч завгүй ажиллаж байгаа гэнэ. Зөв амьдрахыг уриалсан дуучин маань шинэ цомгоо ч “Зөв бай” хэмээн нэрлэжээ.   Тэрээр:"Амьдралын олон талаас нь харуулахыг  хичээсэн. Улс төрчид, нийгмийн байдал, эргэн тойрноо жаахан шүүмжилсэн хэсэг байгаа ч  зөв амьдрах, мөн хаана зөв  байх  вэ хэмээн асуудал дэвшүүлсэн дуунууд  цомогт маань нэлээд  багтсан" хэмээн шинэ цомгийнхоо тухай ярьжээ.    ВХ-ийн "Зөв бай" цомогтоо багтсан "Оne Dream" хэмээх дууныхаа клипийг үзэгчдийн хүртээл болгох гэнэ. Энэ дууг ВХ реппер Quiza-тай хамтран дуулсан гэнэ шүү. Түүний шинэ цомог 14 дуунаас бүтэж байгаа юм байна. Ямартай ч улс төрд хүч үзэхийг завдаж буй дуучин маань уран бүтээлээрээ өнөөгийн нийгмийг шүүмжилсэн бололтой.

 Д.Сэндэр

Zindaa.mn-Үндэсний чөлөөт мэдээллийн портал