69.752 м.кв талбайн хөл газрын ургамлыг цэвэрлэв

Баянзүрх дүүргийн Засаг даргын 2018 оны 06 дугаар сарын 27-ны өдрийн А/263 дугаар захирамжийн дагуу иргэдийн эрүүл, ая тухтай орчинд амьдрах нөхцөлийг бүрдүүлэхийн тулд дүүргийн хэмжээнд хөл газрын ургамал, шарилжны их цэвэрлэгээг “Харшлын эсрэг хамтдаа’’ уриатайгаар 2 удаа зохион байгуулан ажиллалаа.

Тус цэвэрлэгээнд Баянзүрх дүүргийн Засаг даргын Тамгын газрын албан хаагчид болон 28 хороонд үйл ажиллагаа явуулж буй 693 аж ахуйн нэгж, байгууллагын 924 хүн, их дээд болон ерөнхий боловсролын сургууль, цэцэрлэгийн 193 хүн, СӨХ-ын 963 ажилчин албан хаагчид оролцож нийт 69.752м.кв талбайн 95.3 тонн хөл газрын ургамал, хог хаягдлыг цэвэрлэсэн байна.

Түүнчлэн “Шарилжгүй Улаабаанбаатар-3” аяны хүрээнд дүүргийн Нийтлэг үйлчилгээний газар 1, 2, 3, 4 ОНӨААТҮГ-ууд хариуцсан бүсийнхээ хөл газрын ургамлыг устгах төлөвлөгөө гарган өдөр бүр тогтмол цэвэрлэж байна хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.