ӨМНӨГОВЬ: Бүх нийтээр мот тарих "Хайлаасны баяр"-ын арга хэмжээ боллоо

Монгол Улсын Ерөнхийлөгчийн зарлигаар жил бүрийн 5 дугаар сард бүх нийтээр мод таридаг уламжлалтай билээ. Тэгвэл Өмнөговь аймгийн иргэдийн Төлөөлөгчдийн Хурлын Тэргүүлэгчдийн 2018 оны 88 дугаар тогтоолоор “Хайлаасны баяр” арга хэмжээг жил бүрийн 4,10 дугаар саруудад олон нийтийг хамруулан  өргөн хүрээтэй зохион байгуулж байхаар шийдвэрлэсэний дагуу 5 дугаар сарын 4-ны өдөр бүх нийтээр Хайлаас мод тарих арга хэмжээ зохион байгууллаа. Хайлаас мод нь амьдрах чадвар сайтайн дээр усалгаа бага шаарддаг урт настай гэдгээрээ онцлог мод юм.Манай аймаг мод тарьж ургуулсан иргэн, аж ахуйн нэгж байгууллагад урамшуулал олгох журамтай бөгөөд таримал ойн сангийн 2,4 мянган га талбайтайгаар улсад 1 дүгээр байр эзэлж эдгээр ойн зурвасын арчилгаа хамгаалалтанд жилд дунджаар 150 орчим иргэн түр болон байнгын ажлын байраар хангагдан ажиллаж байна.