Японд хүүхдийг зодож шийтгэхийг хориглолоо

Японы парламент энэ сарын 19-нд хүүхдэд сахилга батын зөрчил гаргасан гэж бие махбодын шийтгэл оноохыг хориглосон хуулийн төслийг баталлаа. Шинэ хууль 2020 оны дөрөвдүгээр сарын 1-нээс үйлчилж эхэлнэ. 

“Майничи” сонинд бичсэнээр шинэ хуульд хүүхдэд бие махбодын шийтгэл оноохыг хориглосон ч хуулийг зөрчсөн этгээдэд ямар шийтгэл оноохыг нарийн тусгаагүй байгаа гэнэ. “Хүүхдийг хүчирхийллээс хамгаалах үйл хэрэгт орон нутгийн захиргаа, хүүхдийн олон нийтийн байгууллагууд идэвхтэй оролцох ёстой” гэж “Майничи” онцолжээ. Хүүхдийг хүчирхийллээс хамгаалах олон нийтийн ажилтнуудыг хүүхэдтэй ажиллах, эцэг эхчүүдтэй ажиллах мэргэжилтэн гэж хоёр хуваахаар болсон байна. Мөн Японд хүүхдэд сэтгэл зүйн дарамт үзүүлсэн хэрэгт ял оноодог болох шинэ хуулийн төсөл боловсруулж байна.