Туркменистанд Ерөнхийлөгчийнхөө бичсэн номын баярыг зургаа дахь өдрөө тэмдэглэж байна

2019 оны 09 сарын 23

Туркменистаны Ерөнхийлөгч Гурбангулы Мяликгулыевич Бердымухамедов саяхан туркмен алабай буюу Дундад Азийн овчарк нохойны тухай ном бичжээ.
 


Энэ номын баярыг тус улс зургаа дахь хоногтоо ёслол төгөлдөр тэмдэглэж байна. Цаашдаа ч тэмдэглэх буй заа.
 


Гурбангулы Бердымухамедов номоо энэ сарын 13-нд Засгийн газрын хуралдаан дээр танилцуулж, сайд нартаа бэлэглэн, хоточ нохойны тухай зохиосон шүлгээ уншсан.
 


Есдүгээр сарын 14-нд Соёлын ордонд номд зориулсан баярын концерт болжээ. Энэ үеэр Ерөнхийлөгчийн зохиосон “Туркмен алабай нохой” шүлгэд ая хийж, ард түмэнд танилцуулжээ.
 

16-нд нь шинэ номын талаар эрдэм шинжилгээний хурал болж, эрдэмтэд, парламентын гишүүд, хэвлэл мэдээллийнхэн оролцож, үнэхээр сор бүтээл болсныг онцлон тэмдэглэжээ.

Энэ өдөр мөн ГХЯ-ны Олон улсын харилцааны хүрээлэнд номыг гадаадын төлөөлөгчдөд танилцуулав.

17-ны өдөр Ашхабадын ХАА-н цогцолборын хурлын танхимд хөдөө аж ахуйн бүх салбарын төлөөлөгчид цуглан, баярын хурал хийлээ.

18-нд Ахал мужид туркмен хоточ нохойны үржүүлгийн газар нээгдлээ.

Дашрамд дурдахад Ерөнхийлөгч энэ номыг хоёр сар, 18 хоногт бичиж дуусгажээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
059(103.14.38.136) 2019 оны 09 сарын 28

yuuuuuuuuuuuuuuuu veeeeeeeee ............kheden on beeeeeeeee.....Bi Mongold tursun ni yamai daa.....

1  |  0
zochin(66.181.185.48) 2019 оны 09 сарын 23

soliorol , demiirliin deed gej l ene baykh daa

0  |  0
Top