Хуурамч мэдээллийг нягтлах Factcheck сайтыг албан ёсоор нээнэ
.jpg){kind=logo}
Монголын эрэн сурвалжлах сурвалжлагчдын төлөө төв (MCIR), Германы Дойче Велле Академи хамтран Fact Check Mongolia хөтөлбөрийг хэрэгжүүлж эхлээд байна. Энэ хөтөлбөрийн хүрээнд хуурамч мэдээллийг нягтлан шалгах Factcheck.mn сайтыг нээн ажиллуулахаар болжээ.
Сүүлийн жилүүдэд хуурамч мэдээлэл ихсэх болж үүнээс үүдэн мэргэжлийн сэтгүүл зүйд итгэх олон нийтийн итгэл үнэмшил буурах, мэргэжлийн сэтгүүл зүй болоод сошиал медиагийн зааг, ялгаа бүдгэрэх зэрэг үзэгдлүүд ажиглагдаж байгаа тул хуурамч мэдээллийг таньж мэдэх, мэдээлэлд шүүмжлэлтэй хандах үүднээс энэхүү сайтыг нээн ажиллуулах юм байна.
FactCheck.mn сайтын редакц нь мэргэжлийн түвшинд баримтыг нягтлан шалгаж, энэ нь иргэдэд мэдээллийн үнэн зөвийг ялган хүлээн авах, аливаа мэдээлэлд шүүмжлэлтэй хандахад тус болно гэж Fact Check Mongolia хөтөлбөрийг хэрэгжүүлэгчид үзэж буй юм. Хуурамч мэдээллийг нягтлах Factcheck сайт өнөөдөр /2019.12.30/ албан ёсоор нээлтээ хийнэ.
Сэтгэгдэл ( 1 )
Сайхан мэдээ байна. Харин шударга л хандана шүү. Өөрсдөө намуудын эрхшээлд орвол ард түмэн л та нарыг шийтгэнэ.