Турк Сирийн танкуудыг сөнөөжээ

2020 оны 02 сарын 12

Туркийн Батлан хамгаалах яам Сирийн Идлиб мужид тус улсын армийн 51 цэргийг аюулгүй болгож, хоёр танкийг сөнөөсөн талаараа мэдэгджээ.

“Идлиб дэх хэд хэдэн эх сурвалжаас авсан сүүлийн мэдээллээр Сирийн Ерөнхийлөгч Башар Асадын армийн 51 цэрэг, хоёр танк, нэг зенитийн төхөөрөмж, нэг зэвсгийн нэг агуулахыг устгажээ” гэж тус яамны мэдэгдэлд өгүүлсэн байна.

Туркийн Ерөнхийлөгч Режеп Тайип Эрдоган өмнө нь Сирийн асуудлаар шинэ алхам хийх талаар мэдэгдэх тушаал гаргажээ. Туркийн цэргийнхэн Идлиб мужид буудалцаанд өртсөний дараа уг тушаал гарсан байна.

Туркийн Батлан хамгаалах яамнаас мөн энэ сарын 10-нд Сирийн Идлиб мужийн хойд хэсэгт буудалцаан болж, таван цэргийн алба хаагч амь үрэгдэн, таван цэрэг шархадсан талаар мэдээлжээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top