ТАНИЛЦ: 2020 оны УИХ-ын сонгуулийн цаг хугацааны хуваарь

М.Хангал | Zindaa.mn
2020 оны 02 сарын 12

СЕХ-ны ажлын албаны дарга Д.Баяндүүрэн СЕХ 2020 оны УИХ-ын сонгуулийг зохион байгуулах цаг хугацааны хуваарийг баталсан болохыг мэдээллээ.

Тэрбээр “СЕХ-ноос ирэх дөрөвдүгээр сард аймаг, нийслэлийн сонгуулийн байгууллагуудыг аймгийн төвүүд болон нийслэлд дээд тал нь есөн хүний бүрэлдэхүүнтэй байгуулна. Сонгуулийн байгууллагын бүрэлдэхүүнд ажиллах хүмүүс хуульд зааснаар Төрийн захиргааны болон төрийн үйлчилгээний албан хаагчид байна. Мөн 340 орчим сум, дүүргийн сонгуулийн хороог дөрөвдүгээр сард багтаан байгуулна. Харин хэсгийн хороодыг тавдугаар сард байгуулна. Нийтдээ улсын хэмжээнд 2000 орчим хэсэг байгуулна” хэмээн мэдээлэл өгөв.

2020 оны УИХ-ын ээлжит сонгуулийн цаг хугацааны хуваарийг хүргэе.

  • Дөрөвдүгээр сарын 24-нөөс өмнө нам, эвслүүд УИХ-ын сонгуульд оролцох эсэхээ СЕХ-нд илэрхийлнэ.
  • Дөрөвдүгээр сарын 29-нөөс өмнө нам, эвслийг бүртгэх эсэхээ СЕХ хуралдаж, шийднэ.
  • Тавдугаар сарын 10-16-ны хооронд нам, эвслүүд УИХ-ын сонгуульд нэр дэвшигчдээ тодруулж, СЕХ-нд бүртгүүлнэ.
  • Зургаадугаар сарын 2-нд СЕХ нэр дэвшигчдэд нэгэн зэрэг үнэмлэх олгоно. Хуульд СЕХ нэр дэвшигчдийг бүртгэхдээ санал авахаас 22 хоногийн өмнө нэр дэвшигчийн үнэмлэхийг олгоно гэж заасан байдаг.
  • Зургаадугаар сарын 2-нд сонгуулийн сурталчилгаа эхэлж, санал авах өдрийн урд өдөр хүртэл үргэлжилнэ.
  • Зургаадугаар сарын 24-нд УИХ-ын сонгуулийн санал авах өдөр болно.

Дашрамд дурдахад, Өнгөрсөн долоон удаагийн УИХ-ын сонгуульд 2740 хүн өрсөлдөж байсан бол 2016 оны УИХ-ын сонгуульд 498 хүн өрсөлдөж байжээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top