Х.Мандахбаяр: Нутгийн иргэд, удирдлагуудтай хамтран "Страто"-гийн эсрэг тэмцлээ үргэлжлүүлэх болно

М.Хангал | Zindaa.mn
2020 оны 03 сарын 28

Гурван аймгийн 7 сум дамнан хууль бусаар нүүрс тээвэрлэж байсан “Страто” ХХК-ийн ачилтыг зогсоосноо “Эрдэнэс Таван Толгой” ХХК-ийн зүгээс орон нутгийн удирдлагуудад өчигдөр /2020.03.27/ албан ёсоор мэдэгдлээ.

Тус компанийн хууль бус үйл ажиллагааны улмаас 10 км хүртэл өргөнтэй, 14 хүртэл салаалсан 430 км шороон зам үүсгэж, байгаль орчныг сүйтгэн иргэдийг хохироож байгаа юм.

“СТРАТО” ХХК-ийн хууль бус үйл ажиллагааны талаар "Байгаль хамгаалах говийн иргэдийн санаачилга" ТББ, "Хил хязгааргүй алхам" ТББ хамтран орон нутгийн удирдлага, иргэд, малчидтай хамтран асуудал дэвшүүлж, тэмцэл эхлүүлсэн. Тус компанийн хууль бус үйл ажиллагааны улмаас говийн дөрвөн аймгийн долоон сумын нутаг дэвсгэрийг хамарсан 10 км хүртэл өргөнтэй, 14 хүртэл салаалсан 430 км шороон зам үүссэн билээ. Ийнхүү байгаль, хүрээлэн буй орчинд ноцтой хохирол учруулсаар бараг нэг жил болж байна.

“Байгаль хамгаалах говийн иргэдийн санаачилга” ТББ-ын тэргүүн, сэтгүүлч Х.Мандахбаяр энэ талаар “Бид энэхүү хууль бус үйлдлийг зогсоохын төлөө орон нутгийн иргэд, малчид, удирдлагуудтай хамтран тэмцлээ үргэлжлүүлэх болно. Байгаль орчинд учруулсан хохирлыг нөхөн төлүүлэх, нөхөн сэргээлтийг албан ёсоор хийлгэх, тусгай зөвшөөрлийг цуцлах хууль ёсны шаардлагыг “Хил хязгааргүй алхам” ТББ-тай хамтран холбогдох төрийн байгууллагуудад хүргүүлж, хатуу хяналт тавьж ажиллана. Цар тахлаас ч илүү аюул заналыг Монголын нийгэм, хүн, байгальд учруулж буй хариуцлагагүй уул уурхайтай хийх тэмцлээ бид иргэний нийгмийн байгууллагууд, шударга иргэдтэйгээ хамтран үргэлжлүүлж, үр дүн, холбогдох мэдээллийг цаг алдалгүй хүргэсээр байна” гэлээ.

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Нинжа нартай тэмцээч(64.119.27.33) 2020 оны 03 сарын 29

Дэмжиж байна. Мандахбаяраа дараагийн ээлжинд нинжа нартай тэмцэл явуулаарай. Газар дэлхийг жинхэнэ утгаар нь сүйтгэж байгаа новшнууд шүү.

0  |  0
Зочиг(103.57.93.193) 2020 оны 03 сарын 29

Өөр бас компани бвал хамтруулаарай

1  |  0
Zochin(103.57.95.71) 2020 оны 03 сарын 29

Sanal neg bna

1  |  1
Иргэн(103.212.119.176) 2020 оны 03 сарын 29

Дэмжиж бна.

1  |  1
иргэн(49.0.212.56) 2020 оны 03 сарын 29

Зика дарга баларчээ

1  |  1
Харцага(202.9.46.106) 2020 оны 03 сарын 29

Зандаахүүгийн Энхболд нууц ноёнтон нь шүү

0  |  1
Иргэн(192.82.75.176) 2020 оны 03 сарын 29

Тэмцэл зөв шүү. Говийн эмзэг хөрсийг ингэж сүйтгэж болохгүй.

1  |  1
Top