Хариу нь сөрөг гарсан иргэдийг онгоцонд суулгах ШААРДЛАГА ТАВИНА

Э.Мөнхжин | Zindaa.mn
2020 оны 04 сарын 21

БНСУ руу  энэ сарын 17-ны өдөр захиалгат нислэг төлөвлөөд байсан ч бэлтгэл ажил хангахтай холбоотойгоор түр хугацаагаар хойшлуулаад байсан юм. Тэгвэл өчигдрийн Улсын Онцгой комиссын хуралдааны үеэр Монгол Улсын Шадар сайд Ө.Энхтүвшин ойрын хугацаанд БНСУ болон Европын чиглэл болох Герман улс руу нислэг үйлдэх хугацааг товлон, бэлтгэл ажил хангах үүрэг чиглэлийг холбогдох албаныханд өгсөн юм.

Улмаар дөрөвдүгээр сарын 30-нд БНСУ руу, тавдугаар сарын 02-нд Герман улс руу захиалгат нислэг хийхээр төлөвлөөд байна.

Дээрх хоёр нислэгт хөгжлийн бэрхшээлтэй иргэн, бага насны хүүхэд, ахмад настан мөн 18 хүртэлх настай оюутнууд багтах бөгөөд Онцгой байдлын ерөнхий газар дээрх иргэдийн бүртгэл, мэдээлэлд хяналт тавьж ажиллана.

Мөн 48 цагийн дотор Ковид-19 халдварын шинжилгээ өгсөн, хариу нь сөрөг гарсан иргэдийг онгоцонд суулгах шаардлагыг тавина гэж Монгол Улсын Шадар сайдын Ажлын албанаас мэдээллээ. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (118.40.236.66)  2020 оны 04 сарын 21

Humuusee ylgalgui gadaadaas avchirch boldoggui ymu. Daraallar ni gej neg yriad bas ooroor neg yriad baij bolohgui bizdee

0  |  0
Top