КОВИД-19 | Японд халдварын тоо нэмэгдэж байна

Автор | Zindaa.mn
2020 оны 08 сарын 14

Цар тахал эхэлж, олон улсын эрүүл мэндийн дүрмийн дагуу халдварын онц байдал гэж зарласнаас хойш зургаан сар өнгөрлөө. Энэ хугацаанд хүмүүсийн амьдралд өөрчлөлт орж, бид хэзээ хэвийн амьдралдаа орох эсэх нь тодорхой бус байна. ДЭМБ-аас хувь хүн бүр чадах бүхнээ хийх ёстой, өвчний шинж тэмдэг илэрвэл гэртээ байж, гадуур дотуур дэмий явахгүй байх зэрэг нь цар тахлыг бууруулахад ач холбогдолтой гэжээ.

Улс орнууд сургууль, цэцэрлэгийн үйл ажиллагааг сэргээх шаардлагатай ч гар угаах нөхцөлийг сайтар сахиж байж нээх хэрэгтэй юм.

Коронавирусний халдвар хойд хөрш ОХУ-д өндөр хэвээр байна. Орост 24 цагт 5000 гаруй хүн халдварлаж, 124 хүн энджээ. Хятадад хоногт 99 тохиолдол бүртгэгдсэний 22 нь зөөвөрлөгдөж орж ирсэн байжээ. Япон, Өмнөд Солонгост өвчлөл нэмэгдэж байна. Японд хоногт 1176 хүн өвчилж, 11 хүн нас баржээ.

Дэлхий дахинд хүмүүс коронавирусний халдварын шинж тэмдэггүй буюу балархай хэлбэрээр өвчилж байгаа бөгөөд үүний халдвар тараах эрсдэл нь адил гэдгийг мэргэжилтнүүд анхааруулж байна.

 

Top