Коронавирусний халдвараар өнгөрсөн 24 цагийн хугацаанд дэлхий дахинд 285 мянган хүн өвчилж, 6000 гаруй хүн нас баржээ. Өвчлөл өмнөх өдрийнхөөс 6000-аар нэмэгдэж, нас баралт ижил түвшинд байна. Харин 233 мянга гаруй хүн бүрэн эдгэрчээ.
Урд хөрш Хятадад хоногт 18 тохиолдол бүртгэгдсэний 10 нь идэвхтэй тохиолдол бол найм нь шинж тэмдэггүйгээр илэрчээ. БНХАУ-ын Эрүүл мэндийн улсын хорооноос мэдээлснээр тус улсад илэрсэн шинэ тохиолдлууд бүгд гаднаас зөөвөрлөгдөн орж ирсэн байна. Урд хөршид хоногт нэг ч нас баралт бүртгэгдээгүй аж.
Оросын мэргэжилтнүүд энэ сарын дундуураас Хятадын коронавирусний эсрэг вакциныг туршиж үзэх төлөвлөгөөтэй байгаа гэнэ.