Талийгаач нөхөртэйгөө селфи хийж, профайл зургаа болгожээ

ОХУ-ын Павел Бесфамильный энэ сарын 9-нд зуурдаар нас барсан юм. Түүнийг гэртээ байж байгаад гэнэт шоконд орж нас барсан гэж эхнэр Екатерина сэтгүүлчдэд мэдэгдсэн.

Екатерина шалан дээр үхсэн хэвтэж байгаа нөхрийнхөө дэргэд хэвтэж, селфи авахуулаад олон нийтийн ВКонтакте сүлжээнийхээ профайл зураг болгосон байлаа.

Хүмүүс дургүйцэж, зарим нь Цагдаагийн газарт мэдэгдсэний дараа Екатерина зургаа устгасан ч “Яагаад профайл зураг болгосон бэ гэвэл энэ бидний хамт авахуулсан сүүлчийн гэрэл зураг. Би түүнд хайртай. Бид хамт зургаан жил амьдарсан. Бид байнга үхлийн тухай ярилцдаг байлаа” гэж тайлбарласан байна.