ҮСХ: Ковид гэр хороололд бага, орон сууцанд их бүртгэгдэж байна

100,000 хүн амд ногдох өвчлөлийг авч үзвэл "КОВИД-19"-ийн батлагдсан тохиолдол гэр хороололд бага байгаа бол орон сууц болон нийтийн байранд их байна гэж ҮСХ-ноос мэдээллээ.

Улсын хэмжээнд 2020 оны эцсийн байдлаар нийт хүн амын 30.0 хувь нь орон сууц болон бие даасан тохилог сууцанд, 68.1 хувь нь гэр болон сууцны тусдаа байшинд, 0.9 хувь нь бусад сууцанд амьдарч байна.

Ковидын батлагдсан тохиолдлыг 2021 оны зургаадугаар сарын 20-ны байдлаар амьдарч буй сууцны төрлөөр авч үзвэл 49.9 хувь нь гэр, сууцны тусдаа байшинд, 48.4 хувь нь орон сууц болон бие даасан тохилог сууцанд байна.