25-29 насныхан вакцинд хойрго хандаж байна

Эрүүл мэндийн яамнаас өгсөн коронавирусний халдварын нөхцөл байдлын өнөөдрийн (2021.07.01) ээлжит мэдээллийн үеэр ковидын эсрэг вакцинжуулалтын талаар дараах мэдээллийг өглөө.

МОНГОЛ УЛСЫН ДАРХЛААЖУУЛАЛТЫН ТАЛААРХ МЭДЭЭЛЭЛ

(2021.06.30, 19:00 цагийн байдлаар)

Сүүлийн 24 цагт улсын хэмжээнд 19.442 хүн ковидын эсрэг вакцинд хамрагдсан байна.

Вакцинжуулалтын дүн мэдээнээс харахад нийгмийн хамгийн идэвхтэй бүлэг буюу 25-29 насныхан вакцинд идэвх муутай, хойрго хамрагдаж байна. Уг нь Монгол Улсад вакцинжуулалт эхэлснээс хойш тухайн насныхан бүрэн тун вакцинаа авч дуусах хугацаа өнгөрсөн. Та бүхэн нийгмийн хамгийн идэвхтэй хэсэг. Тэр хэрээр гадуур олон хүнтэй харьцах нөхцөл байдал үүсдэг учраас вакциндаа хамрагдаж, өөрөө өвдөхгүй байх, эргээд өрөөлийг өвтгөхгүй байх дээр хамтдаа хичээгээрэй. Эх орондоо хайртай л бол та энэ өвчний эсрэг нэг сэтгэлээр хамтдаа хичээх хэрэгтэй гэдгийг ЭМЯ-аас уриалж байна.

Улсын хэмжээнд

• 1-р тунд - 2.021.411 хүн
• 2-р тунд - 1.746.187 хүн

Улаанбаатар хотод

• 1-р тунд - 1.008.787 хүн
• 2-р тунд - 880.824 хүн

Орон нутагт нийтдээ 1.1 сая хүн вакцинд хамрагдах ёстой. Үүнээс,

• 1-р тунд - 1.012.624 хүн
• 2-р тунд - 865.363 хүн