Ж.Байгалмаа: Халдвар бага зэрэг буурч, тогтворжиж байна

Эрүүл мэндийн яамнаас цаг үеийн асуудлаар мэдээлэл өгч байна

(2021.07.17)

ХӨСҮТ-ийн дэд захирал Ж.Байгалмаа: Он гарснаас хойш Монгол Улсад Ковид-19 халдварын хоёр давалгаа явагдсан. Зургаадугаар сард эхэлсэн давалгааны оргил үе мөн сарын 20-оор ажиглагдсан. Одоо эргээд буурч байгаа дүр зураг харагдаж байна.

Зургаадугаар сарын давалгаан дээр өвчлөлийн нөхцөл байдал 45 хувь нь аймаг орон нутагт, 55 хувь нь Улаанбаатар хотод бүртгэгдэж, өмнөх давалгаатай харьцуулахалд орон нутагт өвчлөл илүү нэмэгдсэн дүр зурагтай байна.

Коронавируст халдварын шинжилгээний тоо, эерэг илрэх утга тархалтыг илэрхийлэх утга байдаг. Өнгөрсөн 7 хоногтой харьцуулахад шинжилгээнд эерэг илэрсэн утга 19.43% болж буурсан.

Хүн амын хөл хөдөлгөөн нэмэгдэхтэй холбоотой өвчлөлийн динамик өсдөг. Сүүлийн 7 хоногийг өнгөрсөн 7 хоногтой харьцуулахад хүн амын хөл хөдөлгөөн ялимгүй нэмэгдсэн. Гэсэн ч өвчлөлийн тоо бага зэрэг буурсан.

Үүнээс ерөнхийд нь дүгнэхэд хөдөлгөөн дундаж буурч байна. Энэ нь тархалтыг буурч байгааг харуулдаг үзүүлэлт. Дээрээс нь шинжилгээнд эерэг илрэх үзүүлэлт буурсан. Мөн хөл хөдөлгөөн бага зэрэг нэмэгдсэн байна.

Үүнээс ард иргэд маань халдварт өвчин бол хөл хөдөлгөөн нэмэгдэх, хүн амын нягтаршил нэмэгдэх тусам нэмэгддэг гэдгийг сайтар ойлгох хэрэгтэй. Тийм учраас та бүхэн  аль болохоор нийгмийн харилцаагаа багасгаж, дэглэмээ барьж, бидний хадгалсан байгаа тогтворжиж байгаа үзүүлэлтүүдийг цаашид улам тогтворжуулж, бууруулах дээр хамтдаа хичээцгээе" гэлээ.