Нас барсан иргэдийн 20.7% нь вакцины бүрэн тунд хамрагдсан байжээ

Үндэсний статистикийн хорооны мэдээллээр энэ сарын 5-ны өдрийн байдлаар ковидын  халдварын батлагдсан тохиолдлын 35.5% нь аль нэг төрлийн вакцины I болон II тунд хамрагдсаны дараа өвчилсөн байна.

Тодруулбал, I тунд хамрагдсаны дараа 7.6% нь, II тунд хамрагдсаны дараа 27.9% нь өвчилжээ. Харин өвчилсөн иргэдийн 64.5% нь  вакцинд хамрагдаагүй иргэд байжээ.

Ковидын халдвараар нас барсан иргэдийн ихэнх буюу 61.6% нь вакцинд хамрагдаагүй, 20.7% нь бүрэн тунд, 17.6 хувь нь I тунд хамрагдсан байсан байна.