2021 оны хамгийн царайлаг залуугаар шалгарсан эр ШОРОНД оржээ

“TC Candler” сайтаас жил бүр дэлхийн хамгийн царайлаг 100 залуу, үзэсгэлэнт 100 бүсгүйн чансааг гаргадаг уламжлалтай. The 100 Most Handsome Faces of 2021 буюу эрчүүдийн чансааг энэ жил Мьянмарын жүжигчин, дуучин, модель Паинг Такхон тэргүүлсэн бөгөөд харамсалтай нь тэрбээр шоронд хоригдож байгаа аж. 

Тэрбээр ардчилал дөнгөж тогтож байсан Мьянмарт цэргийнхэн төрийн эргэлт хийж, засгийн эрхийг булаан авсныг эсэргүүцэх олныг хамарсан эсэргүүцлийн жагсаалд оролцсон хэргээр 3 жилийн хорих ял авсан байна. 2021 оны 4-р сараас хойш хоригдож байгаа түүний оролцсон жагсаалд 1178 хүн амиа алдаж 7355 хүн баривчлагдан хорих ял сонсжээ. 

Түүнийг баривчлагдсны дараа сая гаруй дагагчтай инстаграм болон фэйсбүүкийг нь устгасан ч фенүүд нь сэргээж чадсан байна. Баривчлагдах үедээ түүнийг сэтгэлийн гүн хямралд орсон байсан тухай дотнынх нь хүмүүс ярьсан ба "Тэр хөл дээрээ ч тогтож чадахгүй байсан. Гэсэн ч тэр огтхон ч айсан шинжгүй тэднийг хүлээж байсан" хэмээн ярьжээ.