Жүжигчин О.Дөлгөөний шинэ бизнес

"Амьдралд тавтай морил" олон ангит киноны гол дүрийг чадварлаг бүтээж, олны танил болж байсан жүжигчин О.Дөлгөөн өнөөг хүртэл жүжигчний карьераа амжилттай авч яваа нэгэн.

"Хөөрхөн" гэх тодотголтой жүжигчин бүсгүй бизнесийн салбарт хүч сорихоор шийджээ. 

Урлагийн салбарын бүсгүйчүүд гэлтгүй салбар бүрд ажиллаж байгаа хүмүүс нэг биш нэлээн хэдэн орлогын эх үүсвэртэй байхыг илүүд үздэг болсон. Энэ жишгийг даган жүжигчин бүсгүй гоо сайхны цогц үйлчилгээ үзүүлдэг "Azit Club" хэмээх төвтэй болжээ. Оны өмнөхөн үйл ажиллагаагаа эхэлсэн тус төв нь хэдийнэ үйлчлүүлэгчдийн хөлд дарагдах болсон аж.

Жүжигчин бүсгүйн хувьд АНУ-д мэргэжил дээшлүүлж байхдаа фитнесст дурлан хичээллэж эхэлсэн гэдэг. Түүнээс хойш байнгын дасгал сургуулилт хийх болсон тэрбээр өөрийн "Azit Club"-тээ ч мөн фитнесс нээсэн бөгөөд жүжигчин бүсгүйтэй хамт бэлтгэл хийхийг хүсвэл тус клубийг зорьж болох нь ээ.