Дуучин Анука: Далавчтай гэдгээ мартчихав уу...

Реппэр Рокит Бэй өөрийн анхны продюсерлэн гаргаж байгаа дуучнаараа эхнэрээ сонгосон нь тун ч сонирхолтой сонголт байлаа. Тэдний хамтарсан уран бүтээл болох "Хязгааргүй" хэмээх дуу олон ч хүний сэтгэл зүрхийг баясгасан бөгөөд энэ удаад дуучин Анука бие даасан уран бүтээл болох "Галт шувуу" дуугаараа дебютээ хийж байна. 

Тус дууны тухайд гэр бүлийнхээ сайн сайхны төлөө өөрийн хүсэл зорилгыг ардаа орхисон ээжүүдэд урам зориг өгсөн уран бүтээл болсон хэмээн сонсогчид нь ихэд ам сайтай байгаа аж.

Дууны нэрийг "Галт шувуу" хэмээсэн нь ч учиртай. Тус шувуу нь эртний домогт гардаг нурам дотроосоо дахин төрдөг шувуу бөгөөд далавчтай гэдгээ мартсан хэн бүхэнд дахин төрөх, дүүлэн нисэх хүчийг өгч байгаа хэрэг юм.