С.Мөнхнасан: Агаарын хилээр дайран өнгөрөх хөлөг онгоцны тоо буурсан

Орос, Украины дайны нөхцөл байдлаас шалтгаалж Монгол Улсын хилээр дайран өнгөрөх хөлөг онгоцны тоо эрс буурсан талаар ИНЕГ-ын дарга С.Мөнхнасан хэвлэлийнхэнд байр сууриа илэрхийлэв.

Тэрбээр "Өнгөрсөн 2019 оны оргил үед Монгол Улсын агаарын замаар 500 орчим хөлөг өнгөрдөг байсан. Халдварын нөхцөл байдлаас шалтгаалж 150 орчим агаарын хөлөг өнгөрч байна.  Өнгөрсөн долоо хоногт өсөөд 200 орчим агаарын хөлөг Монгол Улсын хилийг дайран өнгөрч байсан боловч сүүлийн гурав хоногт 110 орчим хөлөг өнгөрлөө. Өөрөөр хэлбэл, хоёр дахин буурлаа гэхэд болно" гэх мэдээллийг өглөө.