Криштиану Роналдугийн бяцхан хүү ӨӨД БОЛЖЭЭ

Хөл бөмбөгийн супер од Криштиану Роналду болон түүний гэргий Жоржина Родригес нар өнөөдөр бяцхан хүүгээ тэнгэрийн оронд үдсэн тухай мэдээллийг өөрсдийн цахим хуудсаар дамжуулан мэдээлжээ. 

Роналду, Родригес нар "Хүү маань нас барсан гунигт мэдээг зарлаж байна. Энэ бол ямар ч эцэг, эхийн хувьд мэдэрч болох хамгийн хүнд өвдөлт" гэжээ. 

Өнгөрсөн оны аравдугаар сард хосууд хоёр ихэр хүүхэдтэй болох гэж буйгаа зарласан. Эрэгтэй, эмэгтэй ихрүүд энэ оны дөрөвдүгээр сард мэндэлсэн бөгөөд хүү нь төрөх явцдаа энджээ. 

Хосууд "Бяцхан охин минь энэ мөчид итгэл найдвар, аз жаргалтай байх цаг хугацааг бага ч болов бэлэглэж байна. Мэргэжлийн тусламж, дэмжлэг үзүүлсэн эмч, сувилагч нартаа баярлалаа. Энэхүү гарз хохирлоос болж бүх зүйл сүйрсэн учир бид хувийн нууцаа хадгалахыг хүсэж байна. Бидний бяцхан хүү минь,  чи минь бидний сахиусан тэнгэр. Бид чамайг үүрд хайрлах болно" хэмээн уй гашуугаа хуваалцсан бөгөөд тэдний дэмжигчид эмгэнэл илэрхийлэн, хүндэтгэл үзүүлсээр байна.