Дуучин Мадоннагийн "шинэ төрх" шүтэн бишрэгчдэд нь таалагдсангүй

Орон нутгийн цагаар ням гарагт болж өндөрлөсөн 65 дахь удаагийн Грэммийн шагнал гардуулах ёслолын үеэр дуучин Мадонна уран бүтээлч зарлахаар тайзнаа гарч ирсэн нь дуулиан тарилаа. 

Арын дэлгэц дээр түүний зургууд харагдаж байсан бөгөөд одоогийн төрх нь тэдгээр зургуудаас эрс өөр харагдаж байсан юм. 

Шүтэн бишрэгчид нь түүний ярьж байгаа зүйлд анхаарлаа хандуулахаас илүүтэй шинэ дүр төрхөнд нь анхаарал хандуулж, эрс өөр харагдаж буйг нь онцолсон байна. 

Твиттер хуудаснаа "Мадоннагийн царайнд юу тохиолдоо вэ, Мадоннаг хэн сайн дуурайх вэ гэдэг тэмцээний оролцогч юм уу, Мадонна насандаа сайхан харагдаж байна... Яг л 2700 настай нялх хүүхэд, бог малаар хооллодог цус сорогч шиг. Тэр энэ жилийн "Шилдэг шинэ дүр төрх" номинацад нэр дэвшиж байгаа юм уу" гэх зэрэг сэтгэгдлүүд хөвөрч эхэлжээ. 

Энэ жил 65 нас хүрч байгаа тэрээр өнгөрсөн жил хэд хэдэн гоо сайхны мэс ажилбарт оржээ. Гоо сайханчдын хэлж буйгаар Мадонна хамар өндөрлөх, арьс татах, ботокс болон филлер тарилга хийлгэсэн байж магадгүй гэнэ.