Килиан Мбаппе Реал Мадрид клубтэй таван жилийн гэрээ байгуулжээ

“Реал Мадрид” клуб Францын шигшээ багийн довтлогч Килиан Мбаппетай таван жилийн гэрээ байгуулснаа албан ёсоор зарлажээ. Мбаппегийн ПСЖ клубтэй байгуулсан гэрээ тавдугаар сарын 30-нд дуусгавар болсон юм.

Гэрээнд зааснаар 25 настай Мбаппе сард 15 сая еврогийн цалин авах бөгөөд таван жилийн хугацаанд түүнд нэмж 150 сая еврогийн бонус олгох аж. Мөн өөрийнхөө имижийн эрхээс олох орлогын тал хувийг авахаар болжээ. Алдарт хөлбөмбөгч энэ тухай ярихдаа “Мөрөөдөл минь биелсэнд маш их баяртай байна. Би мөрөөдлийнхөө клубт тоглох болсондоо сэтгэл хангалуун байна” гэжээ.