Гуравхан сарын эзэгтэй буюу “Хатариш” Миногийн тухай 20 коммент

1. “Монос” компанийн “Сарнай” гоо сайхны иж бүрдлийг сурталчилсаар олонд  танигдсан Т.Номин өөрийгөө фото модель гэж өргөмжилдөг юм билээ.  
2. Сүүлдээ үүрэн телефоны рекламанд тоглож “томорсон” шавилхан охин “Эра” төвийн загвар өмсөгчийн дамжаанд явж буйгаа төдийлөн ил гаргаагүй.
3. “New Face-2006” наадмын “Фото загвар өмсөгч”-өөр шалгарсан даруйдаа жүжигчин болохоор яарсан Т.Номин нэрээ Мино болгож өөрчилсөн нь одоо ч хэвээр.
4. “Жүжиглэх авьяасаа хөгжүүлэхийн тулд СУИС-ийн кино-драмын ангид орно” гэж ярьсан ч тэр нь бүтэлгүйтсэн гэдэг. Одоо харин “Сити” дээд сургуулийн жүжигчний ангид сурдаг нэртэй.
5. Санаа нийлсэн хэдэн охидтой хамт “Sound of kiss” хэмээх хамтлаг байгуулан, рок попын ах эгч нартайгаа мөр зэрэгцэх гэж хичээсэн. Харамсалтай нь, нэг л өдөр хамтлагаа орхино гэж зүүдлээ ч үгүй явж.
6. Дуулахаа больсон шалтгаан нь бэлтэй эрийн цайг чанах гэж яарсантай холбоотой хэмээн хамтлагийнхан нь “хардсан”. Үнэндээ тэр үед дөнгөж үерхэл төдий явсан харилцаа гэж Мино өөрийгөө зөвтгөдөг.
7. “Тодорхой хэмжээгээр өндөр болчихоод загвар өмсөнө” гэж боддог байсан ч тэгтлээ өссөнгүй. Загварын тайз одоо бол мөрөөдөл.
8. 8.     Фото модель хүний арьс, үс хоёр л хамгийн гоё байх ёстой гэж үздэг болохоор гоо сайхны салоноос холдох дургүй.
9. 9.    Сүүлийн хэдэн жил урилга заллага нэмэгдсэн учраас шаардлага гарвал үс засалт, нүүр будалтаа өөрөө хийж сурсан гэж байгаа. “Үс, зүсээ өөрөө янзалж тоглосон реклам, клипээ дараа нь үзэхээр гоё харагддаг” хэмээн өөртөө дурлах шахдаг гэсэн.

10.   Гавьяат жүжигчин, дуучин Т.Ариунаагийн “охин” болсон азтай бүсгүй. “Асуудал” дууны клипэнд түүнтэй хамт тоглохдоо жүжигчин Ч.Ундралын дуулдаг хэсэгт “ам барьсан” сэргэлэн нөхөр.

11.  Сонирхсон стилиэрээ өөрийгөө танигдахгүй болтол нь өөрчлөхийг хүсдэг. Ямар нэгэн загварт баригдах дургүй болохоор үе үехэн том өөрчлөлт хийдэг гэнэ лээ.

12.  Нэгдүгээр ангиа төгсөөд Солонгосын Ожимбү хотын Чудан Хакү гэдэг охидын сургуульд сурсан. Тэгэхдээ бүр шууд дөрөвдүгээр ангид нь орчихсон гэдэг юм билээ.

13.  Анх удаа ярилцлага өгөхдөө “Шөнийн клуб, диско бааранд орох дургүй. Бас юм юм руу үсчсэн хөнгөмсөг охидод үнэхээр дургүй” гэж байсан. Одоо бол өөр хэрэг ээ.

14.  Оны рекламны шилдэг дүр төрхөөр шалгарсан даруйдаа загварын охидын дайралтад өртсөн гэдгээ нуухгүй. Гэхдээ түүнд “Муу найз байснаас сайн дайсан байсан нь дээр” гэсэн дүрэм бий.

15.  Шатар, даам болон усан спортоор хичээллэх дуртай. Клип, сурталчилгааны зураг авалтад байнга оролцдог учраас тэр бүр хичээллээд байдаггүй гэх.

16.  Хэдийгээр ганцаараа дуулдаг болсон ч гэлээ, чамлахааргүй амжилттай яваа. Хэд хэдэн киноны гол дүрд тоглож, олны танил уран бүтээлчидтэй хамт дуулсан.

17.  “Хар сарнай” хамтлагийн дуучин С.Амармандахын эх нэгтэй дүү болох  С.Амарбаясгаланттай цуг “Хатариш” хийсэн. Хит дууныхаа ачаар мартагдах шахсан нэрээ бараг л сэргээж чадсан шүү.

18.  Уран бүтээлээр “бөмбөгдөнө” гэсэн амлалт нь хайрын үнсэлтэд замхарч одсон. Дамбын Хишгээгийн хүү Х.Энхжинтэй хамт амьдарч байгаа нь ч ил болов.

19.  Улс төр, бизнесийн томчуудаас гадна урлаг соёлын алдартнууд чуулсан нүсэр хурим хийж, баярын нулимстай зогссон мөч саяхан. Даанч тэр гуравхан сарын эзэгтэй байжээ.

20.  Хөл хүндтэй гэсэн яриаг үгүйсгэн, гэр бүлээ цуцлуулсан дуучин бүсгүй одоо ээжтэйгээ цуг амьдарч буй. Баян нөхөр нь харин шинэ эхнэрээ дагуулаад наадам хэсч яваа.  

С.Цахиур