“Эрдэнэс Таван Толгой” ХК-ийн уурхайд хүний амь үрэгдсэн үү?

Тавантолгой ордын Цанхийн зүүн хэсгийн уурхайг түшиглэн байгуулах  20 сая тоннын хүчин чадалтай Нүүрс баяжуулах үйлдвэрийн  техник эдийн засгийн үндэслэлийг өнгөрөгч сарын 12-ны өдөр  “Эрдэнэс Таван Толгой” ХК-ийн төслийн баг Монгол Улсын  Эрдэс баялгийн мэргэжлийн зөвлөлийн өргөтгөсөн хурлаар оруулан  батлуулсан. Тэрчлэн тус уурхайн үйл ажиллагаа урагштай байгаа талаар яригдаж буй. Гэтэл тус компанийн нүүрс тээвэрлэлтийн үйл ажиллагаа зогссон тухай мэдээлэл гараад байгаа.Тэгвэл шалтгааныг нь тус уурхайд хөдөлмөрийн аюулгүй байдал алдагдсаны улмаас хүнд даацын автомашины жолооч амиа алдсантай холбоотой гэх мэдээллийг тус компанийн үйлдвэрчний эвлэлийн байгууллагаас гадагшлуулж байна. Тэгэхээр энэ талаарх албан ёсны мэдээллийг компанийн зүгээс удахгүй хийхээс өөр аргагүй болов уу.