Ангидаа амьсгал боогдуулагч хий цацжээ

Сонгинохайрхан дүүргийн 82 дугаар сургуулийн сурагч Д ангидаа тусгай зориулалтын хий цацаж, ангийнхаа сурагчдыг хордуулжээ. Уг хэрэг энэ сарын 1-нд 11 цагийн үед гарчээ. 

Түүний цацсан хийнээс болж, тус дүүргийн нэгдсэн эмнэлэгт хэд хэдэн сурагч хүргэгдэж, хордлого тайлах эмчилгээ хийлгэсэн байна. Сурагч Д-гийн цацсан хий нь цагдаагийн ажилтны тусгай хэрэгсэлд багтдаг амьсгал боогдуулагч хий байжээ. Амьсгал боогдуулагч хийг тэрээр нэгэн найзаасаа авсан гэнэ. Найзынх нь ах нь цагдаагийн газарт ажилладаг юм байна.

Өмнө нь ийм хэрэг Дархан-Уул аймаг болон нийслэлд гарч байсан удаатай.