Говь-Алтайн Дэлгэрт алт ухах зөвшөөрөл өгчээ

Говь-Алтайн Дэлгэр сум нинжа нарын дайралтад өртөж, хаа сайгүй хүрз, шуудай барьсан хүмүүс үзэгдэх болсон. Аймаг, сумын удирдлагууд, цагдаа нар энэ асуудлыг зохицуулж хүчрэхгүй, нийслэлээс харуул хамгаалалтын хүч нэмэгдүүлсэн. Гэтэл сумын ИТХ-аас хувиараа ашигт малтмал олборлогч иргэдийг нөхөрлөл байгуулан алт ухах зөвшөөрөл өгсөн байх юм. Нинжа хэмээх хуульд баригддаггүй хэдэн хүн амьдрахын тулд яахаас ч буцахгүй гэж өөрсдийгөө өмгөөлдөг. Гэтэл тэдний ухсан газар ямар шуу байдалтай болдгийг Өвөрхангай, Баянхонгорын жишээгээр шууд харуулж болно. Энэ асуудлыг хуулиар зохицуулахгүй бол Говь-Алтайн Дэлгэрийг ч ийм ирээдүй хүлээж байна.