Хүмүүжигчид мэргэжлийн үнэмлэхтэй болжээ

Шүүхийн шийдвэр гүйцэтгэх ерөнхий газрын харьяа Хархорин сум дахь Шүүхийн шийдвэр гүйцэтгэх алба “Бакет” мэргэжлийн сургалтын төвтэй хамтран өнгөрсөн сарын 21-ний өдрөөс энэ сарын гуравны өдрийг хүртэлх хугацаанд хүнд машин механизмын сургалт зохион байгуулжээ. Сургалтад 49 хүмүүжигч хамрагдаж, 66 цагийн онол,18 цагийн дадлагын хичээлээр экскаватор, дугуйт ачигч, бульдозер, хүнд даацын авто машины операторын мэргэжил эзэмшүүлж, мэргэжлийн үнэмлэх олгосон байна.