Цагдаагийн газрын даргыг иргэдийн оролцоотой сонгоно

Автор | Zindaa.mn
2014 оны 10 сарын 02
Цагдаагийн албаны тухай шинэчилсэн хуулийн 6 дугаар зүйлийн 6.5 дахь хэсэгт хотын Цагдаагийн байгууллагын даргыг цагдаагийн төв байгууллагын даргатай зөвшилцөн хотын Захирагч томилно гэж заасны дагуу уг албан тушаалд томилогдох ажилтныг сонгон шалгаруулах салбар комиссыг Нийслэлийн болон Цагдаагийн ерөнхий газрын дэргэдэх Төрийн албаны зөвлөлийн салбар зөвлөлийн хамтарсан тогтоолоор байгуулж, сонгон шалгаруулалтыг нийтэд зарласан.  Сонгон шалгаруулалтад оролцохоор 6 хүн материалаа ирүүлснээс зарлагдсан ажлын байранд тавигдах ерөнхий болон тусгай шаардлагыг 4 хүн хангагдсан бөгөөд хууль, эрх зүй,ерөнхий эрдмийн шалгалт өгч, дараахь 2 нэр дэвшигч шалгарлаа.
  • Чойжанцангийн Болдбаатар
  • Дамбийнямын Цэрэндорж
Улаанбаатар хотын Цагдаагийн газрын даргыг анх удаа иргэдийн оролцоотой, иргэний зөвлөлийн хяналттайгаар сонгон шалгаруулах гэж байгаа бөгөөд дээрх нэр дэвшигчид Эрүүл Аюулгүй Улаанбаатар төлөө хэрхэн ажиллах талаар өөрсдийн мөрийн хөтөлбөрийг боловсруулсан юм. Нэр дэвшигчдийн хураангуй мөрийн хөтөлбөрийг Өдрийн сонин, Өнөөдөр, Зууны мэдээ, Үндэсний шуудан сонины 10 дугаар сарын 02-ны өдрийн дугаарт нийтэлсэн бөгөөд дэлгэрэнгүй хөтөлбөрийг нийслэлийн ЗДТГ-ын www.ulaanbaatar.mn цахим хуудсанд байршууллаа. Тухайн албан тушаалын сонгон шалгаруулалтад иргэдийн санал, үнэлгээ чухал үүрэг гүйцэтгэнэ. Тиймээс өнөөдрөөс эхэлж буй сонгон шалгаруулалтын санал асуулгад идэвхтэй оролцож, нэр дэвшигчийн мөрийн хөтөлбөртэй танилцаж, саналаа өгөөрэй. Таны саналыг 10 дугаар сарын 08-ны өдрийг дуустал www.ulaanbaatar.mn сайтаар авна. Санал авах ажиллагааг шударга байлгах зорилгоор мөрийн хөтөлбөрийг танилцуулахдаа нэр дэвшигчдийн нэрийг нууцалж, А, Б гэсэн тэмдэгтээр тэмдэглэсэн байна. Харин сонгон шалгаруулалтад нэг үнэлгээ болох нэр дэвшигчдийн шууд халз ярилцлага, мэтгэлцээн 10 дугаар сарын 05-ны өдөр /ням гараг/ UBS телевизээр 21 цагт болно.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (108.66.135.20)  2014 оны 10 сарын 02

Үнэнг бичсэн болохоор устгаад байх юм Ард түмнээ тэнэг гэж боддогоо болимоор юм. Ажил албанд чинь хэн танил талтай мөнгөтэй хүн ордог болоод удаж байгаа шүү дээ. Хахуулд тэдэн саяыг өгвөл авна гээд л хэлээч дээ.

0  |  0
Zochin (150.129.141.29)  2014 оны 10 сарын 02

Ih sonin togtolcoo bna. Esvel shouy um uu. Turiin alban haagch tomilogddog l baimaar...

0  |  0
ss (202.55.183.138)  2014 оны 10 сарын 02

ard tumniig muuhruulahaa bolidoo. ternii orond erunhii saidiin udriin hoolond yamar hooliig her hemjeegeer uguh talaar sanal asuulga yvauul arai sonirholtoi dun garah baih harin yag irgediin sanalaar shiidne shuu.

0  |  0
zochin 14 (202.21.106.108)  2014 оны 10 сарын 02

odoo l neg eruul togtoltsoo burdeh yum bolov uu gesen itgel torj bn shuu! songon shalgaruulaltiigneg iimerhuu hiij baimaar yum. terees hudlaa zohion baiguulalttai neg hund ilt chiglechihsen bdag shuu dee. hamgiin zov sanagdaj bda ni ehleed tavigdah shaardlaga, daraa ni yu hiihiig ni orsolduuleh bol mash chuhal sanaa. amjilt

0  |  0
Top