Өнөөдөр зүүн зүгийн нутгаар цас орж, цасан шуурга шуурна
Малчид, тариаланчид ард иргэдийн анхааралд: Өнөөдөр зүүн зүгийн нутгаар цас орж, цасан шуурга шуурч, ихэнх нутгаар хүйтэн байхыг анхааруулж байна.
Өнөөдөр 08 цагаас 20 цаг хүртэл: Зүүн зүгийн нутгаар үүлэрхэг. Бусад нутгаар солигдмол үүлтэй. Төв болон зүүн зүгийн нутгийн зарим газраар, говийн нутгийн өмнөд хэсгээр хур тунадас, цас орно. Бусад нутгаар хур тунадас орохгүй. Салхи баруун хойноос секундэд 6-11 метр, зүүн зүгийн нутгийн зарим газраар түр зуур секундэд 16-18 метр, говийн ихэнх нутгаар секундэд 12-14 метр хүрч ширүүснэ. Хүйтэрч Алтай, Хангай, Хөвсгөлийн уулархаг нутгаар 3-8 хэм хүйтэн, Алтайн өвөр говь болон говийн бүс нутгийн зүүн хэсгээр 5-10 хэм дулаан, бусад нутгаар 2 хэм хүйтэнээс 3 хэм дулаан байна.
УЛААНБААТАР ХОТ: Солигдмол үүлтэй. Хур тунадас орохгүй. Салхи хойноос секундэд 7-12 метр. 0 хэм орчим байна.
Өглөө 05 цагт Улаанбаатарт: 2 хэм хүйтэн, харьцангуй чийг 80 хувь, агаарын даралт 876 гектопаскаль байлаа. Даралт өдөртөө тогтворвой байна.
Холбоотой мэдээ
Сэтгэгдэл ( 0 )