Жиргээг хаахаар болжээ

Хонконгийн захирагч Лин Чун-Иен жагсаал хийж буй оюутнуудыг барууны хэвлэл мэдээллийн хэрэгслүүд болон олон нийтийн сүлжээ өдөөн турхирч байна гэж мэдэгдсэн тухай “www.dailymail.co.uk” мэдээллээ. Захирагч шаардлагатай гэж үзвэл залуусын өргөн хэрэглэдэг твиттер хаягийг хаах болно гэжээ. “Хятадад твиттер, фэйсбүүк, инстаграм хэрэглэх нь хориотой байдаг юм. Харин Хонконгт олон нийтийн сүлжээ ашиглах нь өнөөдрийг хүртэл нээлттэй байна” гэж захирагч Лин Чун-Иен хэлжээ.

Бээжингийн удирдлагууд иргэдээ твиттер хэрэглэхийг 2009 оноос хориглосон юм. Хонконгийн 10 гаруй их, дээд сургуулийн оюутнууд Бээжингийн удирдлагуудыг сонгуулийн нээлттэй эрх олгохыг шаардаж, төв талбайд тайван жагсаал зохион байгуулсан билээ. Хонконгийн цагдаа нар дээрх жагсаалд оролцож буй ихэнх оюутан твиттерийн тусламжтай цугларасан хэмээж байсан юм. Захирагч оюутнууд жагсаалаа тарааж, хичээлдээ явахгүй бол эхний ээлжинд твиттерийг хаах болно гэсэн байна.