Өнөөдөр Балжиннямтай өдөр

Өнөөдөр аргын тооллын 12 дугаар сарын долоон. Адьяа гараг. Билгийн тооллын 16. Гөрөөсөн толгой одтой, хар хулгана өдөр. Өдрийн наран найман цаг 40 минутанд мандаж, 17 цаг 10 минутад жаргана. Энэ өдөр луу, бич жилтнээ аливаа үйлийг хийхэд эерэг сайн. Буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, бүтээл туурвил эхлэхэд сайн. Улааны үйл, төлөг тавих, морь уралдахад муу.  Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Их цасан буух улирал 14 цаг 15 минутанд эхэлнэ. Балжиннямтай өдөр. Үс шинээр үргээлгэх буюу засуулахад тохиромжгүй.