Японд газар хүчтэй хөдлөв

Автор | Zindaa.mn
2015 оны 05 сарын 31

Өчигдөр орой буюу 30-ны орой Японы ойролцоо тэнгисийн гүнд 7.8 магнитудын хүчтэй газар хөдөллөө. АНУ-ын геологийн судалгааны төвөөс мэдээлснээр газар хөдлөлт Токиогоос 874 км зайтай тэнгисийн 660 гаруй км-ийн гүнд болсон аж. Энэ үеэр Токио хотын байшин барилгууд нэг минутын турш ганхаж, чичирхийлсэн байна. Токио хотын аврах, гал унтраах албанд 21 хүн гэмтэж бэртсэн дуудлага ирсэн тухай “NHK” телевизэд мэдээлэв.  Түүнчлэн цахилгаан тасарснаас Токио-Осакаг холбосон Шинакансен хурдны галт тэрэгний үйлчилгээ зогссон байна.

Японд 2011 онд 9.0 магнитудын хүчтэй газар хөдлөлтийн улмаас цунамийн гамшиг болж 20 мянга орчим хүн амь үрэгдсэн юм. Мөн Фукушимагийн АЦС-д цөмийн дэлбэрэлт болсноос их хэмжээний хохирол учирсан билээ.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
jpn4 (114.164.94.57)  2015 оны 06 сарын 01

660 garui km-n gund kkkk

0  |  0
Zulaa (182.160.39.99)  2015 оны 05 сарын 31

8 magnitude gej zassan bn.. Tokyod hamgiin deed tal n 5 ball l hudulsun. Tiim aimaar bishee. Gehdee yamar olig bhav dee.

0  |  0
Top