Усанд живснийг 20-иод хоногийн дараа мэдэв

Архангай аймгийн Урд Тамирын голын эргээс нас барсан хүний цогцос олджээ. Үл мэдэгдэх цогцос Цэнхэр сумын 12 жилийн сургуулийн математикийн багш залуугийнх болохыг тогтоожээ. Талийгаач ам бүл дөрвүүлээ амьдардаг байж. Гэрийнхэн нь түүнийг золгүйгээр амь эрсэдсэнийг мэдээгүй байв. Амралттай байгаа болохоор найз нөхөдтэйгөө явж байгаа болов уу, яагаад утсаар ярихгүй байгаа юм бол гэж бодож байсан хэмээн талийгаачийн ээж хэлж байв. Одоогоор хууль хяналтын байгууллага уг хэргийг шалгаж байна.