Хүүхдүүд галаас хүний амь аварчээ

Хөсвгөл аймгийн Мөрөн суманд 8-12 насны дөрвөн хүү галын аюулаас хүний амь аварсан байна. Тодруулбал, тус аймгийн Онцгой байдлын газарт гуравдугаар сарын 27-ны өдрийн 15:17 цагт “Мөрөн сумын есдүгээр багийн 9-10 тоотод гэр шатсан байна” гэсэн дуудлага иржээ.

Дуудлагын дагуу аймгийн Онцгой байдлын газрын Аврах, гал унтраах 27 дугаар ангийн бие бүрэлдэхүүн шуурхай очиход дээрх дөрвөн хүү галыг бүрэн унтраасан байжээ. Түүнчлэн гэр дотор байсан хөгжлийн бэрхшээлтэй 58 настай иргэн Ц.Цэндсүрэнгийн амийг, гэрийн эд хогшлын хамт авран хамгаалсан байна. Гал гарах үед хүүхдүүд урд гудамжинд хөлбөмбөг тоглож байсан бөгөөд галыг хармагцаа гүйж очин, унтрааж эхэлсэн байна.