Улаанбаатарт ази номхон далайн бүсийн 4000 гаруй залуус чуулна

Автор | Zindaa.mn
2016 оны 10 сарын 04

4000 гаруй залуус оролцох Ази номхон далайн бүсийн залуучуудын чуулга уулзалт буюу ASPAC 2017  Улаанбаатар хотод зохион байгуулагдахаар болжээ.  JCI  Монгол байгууллагын үе үеийн захиралууд Дэлхийн JCI  байгууллагад санал тавьж сүүлийн таван жилийн турш тодорхой өрсөлдөөн, шалгууруудыг давсаны үр дүнд ASPAC-ийг  эх орондоо зохион байгууллах эрхийг авсан байна.   

Ирэх жил зохион байгуулагдах  тус чуулга уулзалт Улаанбаатар хотод 7 хоног үргэлжлэх юм.  Энэ хугацаанд  гаднаас орж ирэх мөнгөний урсгал багаар тооцоход 10 гаруй сая доллар байна гэж JCI Монгол байгууллагын 2016 оны Үндэсний Ерөнхийлөгч Б.Наранжаргал мэдээллээ.

Зочидод нэмэлтээр аялал жуулчлал болон “Night Life” үйлчилгээнүүдийг санал болговол Ази номхон далайн бүсийн залуучуудын чуулга уулзалтаас манай улсын эдийн засагт орох  үр өгөөж өсөх аж. 

 Дашрамд дурьдахад идэвхтэй залуу иргэдийн дэлхийд тэргүүлэх сүлжээг бий болгох зорилготой Дэлхийн JCI байгууллага нь 101 жилийн түүхтэй 200 гаруй мянган гишүүнтэй сайн дурын төрийн бус байгууллага юм.  Харин JCI Монгол байгууллага 25 жилийн түүхтэй бөгөөд одоогоор 12 салбартай  700 гаруй гишүүнтэй үйл ажиллагаа явуулж байна. 

А.Чимгээ

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin (122.201.22.32)  2016 оны 06 сарын 03

nerteigeer n bie ee unlegcheer zuuchilval geed bichcheech

0  |  0
zochin (182.160.32.96)  2016 оны 06 сарын 02

night life gedeg n iu ium

0  |  0
Top