34.7 их наяд төгрөг ил боллоо

УИХ-аас Эдийн засгийн ил тод байдлын тухай хуулийг өнгөрсөн оны наймдугаар сарын 7-ны өдөр баталж, хууль баталсан. 2015 оны арванхоёрудгаар сарын 31-нээр хуулийн хэрэгжих хугацаа дуусгавар болсон ч хуулийн хамрах хүрээг нэмэгдүүлэх үүднээс хуулийн хэрэгжих хугацааг хоёр сараар сунгаж, өнгөрсөн хоёрдугаар сарын 20-н хүртэл сунгасан. 

Хуулийн хэрэгжих хугацаа дуусахад Сангийн яам болон Гааль, татварын ерөнхий газраас урьдчилсан байдлаар нийт 34.7 их наяд төгрөгийн хөрөнгө орлого ил болсон талаар мэдээлэл хийсэн юм. Хуулийн хүрээнд 33.8 их наяд төгрөгийн хөрөнгө орлого ил болж, 7.5 их наяд төгрөгийн татвар болон 2.4 их наяд төгрөгийн торгууль, алдангиас чөлөөлсөн байна. Ил болсон хөрөнгө орлого нь Монгол Улсын ДНБ-ий 1.8 дахин, улсын нэгдсэн төсвийг дөрөв дахин нэмэгдүүлсэнтэй тэнцэх хөрөнгө юм. Өөрөөр хэлбэл, дөрвөн жилийн төсвийн орлоготой тэнцэх хэмжээний хөрөнгө орлого ил болсон. Сангийн яаманд нийт 27665 аж ахуйн нэгж байгууллага хуульд хамрагдахаар хүсэлт илгээснээс 21275 тайланг баталгаажуулсан байна. Эдийн засгийн ил тод байдлын тухай хууль хэрэгжсэнээр хувь хүн, компаниуд хөрөнгө орлогоо ил болгож, бүртгүүлэх, мэдүүлэх,тайлагнах боломж бүрдсэн юм.