Гашуунсухайт, Ганцмодын боомтоор 652 мянган тонн зэсийн баяжмал экспортод гаргажээ

Гашуунсухайт болон Ганцмодын боомтоор гарах зэсийн баяжмалын экспортын хэмжээ 652 орчим мянган тоннд хүрсэн гэж БНХАУ-ын Статистикийн хорооноос мэдээллээ. Гашуунсухайт боомтоор “Оюу Толгой” компани зэсийн баяжмалаа гаргадаг. Хагас жилийн тайлангаас харахад нийт 440 мянган тонн зэсийн баяжмал экспортолсон байна. Өөрөөр хэлбэл сүүлийн хоёр сарын хугацаанд 212 мянган тонн зэсийн баяжмал экспортод гаргажээ. Хэдийгээр “Оюу Толгой”-ийн экспортын биет хэмжээ өсч байгаа ч орлогын дүн буурсан дүнтэй гарч байгаа юм. Учир нь зэсийн ханш унаад байгаа төдийгүй баяжмал дахь алтны агуулга агшсан дүнтэй гараад байна. Хэдий тийм боловч энэ оны сүүлийн хагаст алтны агуулгыг бага зэрэг өсгөх боломжтой гэж тус компанийн удирдлагууд мэдээллээ.