Баян-Овоо сум 10 ортой эрүүл мэндийн төвтэй боллоо

Өнөөдөр Өмнөговь аймгийн Баян-Овоо суманд 10 ортой эрүүл мэндийн төвийг барьж байгуулан ашиглалтад орууллаа. Тус барилгыг Оюу-толгой ХХК-ны "Говийн оюу хөгжлийг дэмжих сан"-гийн 1.8 тэрбум төгрөгийн хөрөнгөөр барьж байгуулсан байна.

Энэхүү төв ашиглалтад орсноор малчид иргэдэд хүрэх эрүүл мэндийн тусламж үйлчилгээний чанар хүртээмж сайжрах юм. Нээлтийн арга хэмжээнд аймгийн Засаг дарга Н.Наранбаатар, Засаг даргын орлогч Х.Батболд болон бусад албаны хүмүүс, Оюу толгой ХХК-ны төлөөллүүд оролцож баяр хүргэж амжилт хүслээ.