Өвөрхангай аймгийн жүдочид хос мөнгөн медаль хүртлээ

Ази тивийн анхны аварга, Атланта олимпийн хүрэл медальт, Монгол Улсын гавьяат тамирчин Д.Нармандахын нэрэмжит өсвөр үеийн жүдо бөхийн олон хотын тэмцээн Орхон аймгийн "Хангарьд" палас-т энэ сарын 11-13-ны өдрүүдэд амжилттай зохион байгуулагдлаа.

Тус тэмцээнд хот хөдөөгийн 40 гаруй байгууллагын 800-аад өсвөрийн жүдочид өрсөлдсөнөөс Өвөрхангай аймгийн Биеийн тамир, спорты газрын С.Цээлонжид дасгалжуулагчтай баг тамирчид амжилттай оролцож хөвгүүдийн -90кг жинд М.Гантулга, 38кг жинд Т.Жавзанжамъян нар тус тус мөнгөн медаль хүртсэн байна.