Монголбанк, Засгийн газар хамтарсан МЭДЭГДЭЛ гаргалаа
Зээлжих зэрэглэл тогтоогч Мүүдийз байгууллага Монгол улсын зээлжих зэрэглэлийг өчигдөр нэг шатлал буурууллаа. Тэгвэл үүнийг "бодит байдалтай нийцэхгүй" хэмээн үзэж Монголбанк болон Засгийн газар хамтарсан мэдэгдэл гаргалаа.
Монгол Улсын Засгийн газар, Монголбанкны хамтарсан мэдэгдэл:
Зээлжих зэрэглэл тогтоогч Мүүдийз байгууллага 2016 оны 11 дүгээр сарын 18-ны өдөр Монгол улсын зээлжих зэрэглэлийг нэг шатлал бууруулсныг бодит байдалтай нийцэхгүй гэж үзэж байна.
Монгол Улсын Засгийн газар, Монголбанк эдийн засгийг богино хугацаанд тогтворжуулах цогц арга хэмжээг авч хэрэгжүүлж байна. Улсын Их Хурал (УИХ)-аас Монгол Улсын 2017 оны төсөв, Төрөөс мөнгөний бодлогын талаар 2017 онд баримтлах үндсэн чиглэлийг хэлэлцэж батлаад байна. Батлагдсан төсвийн дагуу ирэх оны төсвийн алдагдал ДНБ-ий 9.1 хувь буюу 2016 оны хүлээгдэж буй гүйцэтгэлээс 2 дахин буурахаар байна.
УИХ-аар “Эдийн засгийн хүндрэлийг даван туулах, тогтворжуулах” хөтөлбөрийг хэлэлцэж байна. Тус хөтөлбөр нь богино хугацаанд эдийн засгийг тогтворжуулах, дунд хугацаанд өрийн тогтвортой байдлыг хангах, эдийн засгийн бүтцийг олон тулгуурт болгоход чиглэсэн. Хөтөлбөрийн хүрээнд эдийн засагт ач холбогдолтой томоохон төслүүдийн үйл ажиллагааг ойрын хугацаанд эрчимжүүлэхээр тусгасан.
.Батлагдсан төсвийн дагуу ирэх оны төсвийн алдагдал ДНБ-ий 9.1 хувь буюу 2016 оны хүлээгдэж буй гүйцэтгэлээс 2 дахин буурахаар байна.
Монгол Улсын экспортын гол бүтээгдэхүүнүүдийн дэлхийн зах зээлийн үнэ өсч, гадаад худалдаанд эерэг хандлага гарч эхэлсэн нь дээрх бодлогын арга хэмжээний үр дүнг сайжруулахад эерэг нөлөө үзүүлэх юм.
Үүний зэрэгцээ Засгийн газар болон Монголбанкнаас Олон улсын валютын сан (ОУВС)-гийн хөтөлбөрийг авч хэрэгжүүлэх хэлэлцээрийг үргэлжлүүлж байгаа бөгөөд ОУВС-гийн ажлын хэсэг урьдчилсан байдлаар энэ оны 12 дугаар сард Монгол улсад ирж ажиллахаар байна. Засгийн газар бусад олон улсын санхүүгийн байгууллагуудтай улсын төсөвт санхүүгийн дэмжлэг авах талаар үр дүнтэй хамтран ажиллаж байна.
Эдгээр шат дараалсан арга хэмжээний үр дүнд Монгол Улсын эдийн засаг богино хугацаанд тогтворжиж, цаашдын төлөв эерэг болохоор байна.
Б.Алтжин
Холбоотой мэдээ
Сэтгэгдэл ( 6 )
Одоо Wall Street-ийн бухны өмнө очоод өмд гутлаа тайлаад шидчих. Ангилалыг чинь дор нь өсгөөд өгнө.
өөрийн толгойтой байцгаая хичнээн жил ингэж харийнханы дуулгавартай нохой шиг байх юм бол доо хөөрхий с минь эртхэн амьд эсэн мэнд байгаа дээрээ энэ улс орныг орхин гарч явахыг эрхэмлэн хүсье
Ниргэсэн хойно хашгирав гээч болох нь шивдээ. Зэрэг зэрэг уралдан мэдэгдэл хийж байхдаа наадхаа бодохгүй яасан юм. Худлаа санаа зовсон дүр эсгэж, өндөр хүүтэй зээл авах замаа засах гэж оролдоод хэрэггүй. Наад санааг чинь хүмүүс аль эрт мэдсэн. Одоо яадаг ч байсан та бүхэн хийх гэснээ л хийцгээ. Зөв бурууг цаг хугацаа харуулах учир. Харин ард түмнийг бага шиг тарчлаагаарай.
ЗГ, МБ ичмээр юмаа. Ядахдаа амьдралын ухаан ч байхгүй. Юун мэргэжлийн ЗГ, элдэв томилгоо!!!
Тэнэг Баяртсайхан
БОЛЬЁ ОО