Ирэх даваа гарагт мөнгөний бодлогын зөвлөл хуралдана

Мөнгөний бодлогын зөвлөлийн ээлжит хурал энэ сарын 19-ний өдөр болох гэж байна. Хурлаар бодлогын хүүгийн түвшинг өөрчлөх, эсэх асуудлыг хэлэлцэх аж.

Мөнгөний бодлогын зөвлөл хамгийн сүүлд наймдугаар сарын 18-нд хуралдсан бөгөөд бодлогын хүүг 10.5 хувиас 15 хувьд хүргэж, 4.5 нэгж хувиар өсгөсөн юм.

Мөнгөний бодлогын зөвлөлийн тухай

Монголбанкны Ерөнхийлөгчийн 2012 оны аравдугаар сарын 26-ны өдрийн А-169 тоот тушаалаар “Мөнгөний бодлогын зөвлөлийн ажиллах журам”-ыг баталсан байдаг.

Мөнгөний бодлогын зөвлөл нь Монголбанкны бие даасан байдлыг бэхжүүлэх, мөнгөний бодлогыг боловсруулах үйл ажиллагаанд гадны төлөөллийг оруулах, мөнгөний бодлогын шийдвэр гаргах үйл явцыг бодлогын зөвлөлөөр дажуулан оновчтой болгох, олон нийтэд хүргэхэд ач холбогдолтой юм. 

 Мөнгөний бодлогын зөвлөл нь Монголбанкны удирдлага, хараат бус гишүүдийн бүрэлдэхүүнтэйгээр үйл ажиллагаа явуулах бөгөөд Зөвлөлийг Монголбанкны Ерөнхийлөгч даргалдаг.

Д.Үржинбадам