Д.Соёлчхүү: Бид шинээр зам барьж чадахгүй нь

2017 оны 04 сарын 10

Өнөөдөр хуралдсан Орхон аймгийн Засаг даргын шуурхай зөвлөгөөнийг Тамгын газрын дарга Д.Соёлчхүү удирдан явууллаа. Энэ үеэр тэрээр аливаа бүтээн байгуулалтын ажилд хяналт тавьж буй төрийн байгууллага болон хүлээж авч буй Улсын комисс хариуцлагатай байх хэрэгтэйг онцоллоо. Учир нь 2012-2016 онд маш олон зам шинээр тавьсан ч чанар хангалтгүй байгаа юм. ЗДТГ-ын Д.Соёлчхүү хэлэхдээ “Бид шинээр зам барьж чадахгүй нь. Өнгөрсөн жилүүдэд хийгдсэн замууд хүүхдийн зулай шиг хэврэг байна. Томхон ачааны машин тормозлоход хуурч унаж байна. Хуурсан хэсгийг нь нөхсөөр байгаад тараах нь. Хот байгуулалт, барилга захиалагчийн алба бүтээн байгуулалтын ажлуудад тавих хяналтаа сайжруул. Улсын комиссын бүрэлдэхүүнд багтсан албан тушаалтнууд хариуцлагатай ажил” гэсэн юм. Хэрэв ямар нэгэн асуудал гарвал хяналт тавьсан, хүлээж авсан албан тушаалтнуудад хуулийн хариуцлага тооцно гэдгээ илэрхийллээ. 

Засаг даргын шуурхай зөвлөгөөнөөр хэлтэс, албад өнгөрсөн долоо хоногт хийж хэрэгжүүлсэн ажлын талаарх мэдээллээ танилцуулсан. Үүний дараа Тамгын газрын дарга хэд хэдэн чиглэлийн үүрэг өглөө. Тухайлбал, Хотын ногоон байгууламж, хүүхдийн тоглоомын талбайд автомашинаа зогсоосон иргэдэд энэ долоо хоногт анхааруулга өгч,  ирэх долоо хоногоос зохих арга хэмжээг авч эхэл гэлээ. Мөн төрийн байгууллагад иргэдээс ирж буй нийт өргөдөл, гомдлын 70 хувийг газар, барилгатай холбоотой асуудал эзэлж байна. Тиймээс Аймгийн ГХБХБГ, Баян-Өндөр сум хамтарч энэ төрлийн үйлчилгээг иргэдэд чирэгдэлгүй үзүүлэх талаарх санал боловсруулж танилцуулах чиглэл өглөө. 

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
bi(203.91.115.39) 2017 оны 04 сарын 10

t1 min tomxon acaanii tereg yvx zam cin uur standart urtugtei bdg um

0  |  0
dorj(103.229.121.22) 2017 оны 04 сарын 10

xotiin darga batboldoo ene xunees ajlaa asuu , ulaanbaatar xotiin mashinuud nogoon baiguulamj togloomiin talbai deer baitugai xunii tolgoi deer

0  |  0
Top