Дундговь: Аймгийн 2017 оны үндэсний сурын нээлттэй харваа боллоо

Дундговь аймгийн Үндэсний сурын холбооноос энэ жилийн сур харвааны нээлтийн тэмцээнийг 5-р сарын 21-ний өдөр зохион явууллаа. Арга хэмжээнд аймгийн Засаг дарга, Дундговь аймгийн Үндэсний сурын холбооны тэргүүн О. Бат-Эрдэнэ, Дэд тэргүүн залуу харваач Х.Анхбаяр, Монголын Үндэсний сурын холбооны тэргүүлэгч У.Сосорбурам нар тэргүүтэй сурын спортын төлөөллүүд оролцов.

Тус тэмцээнд спортын мастер 8, спортын дэд мастер 1, аймгийн мэргэн 7, залуу харваачдаас бүрдсэн нийт 29 харваач цэц мэргэнээ сорьсон юм. Эрэгтэй харваачдаас МУ-ын спортын мастер Г.Мөнхсайхан 31 оноогоор, эмэгтэй харваачдаас МУ-ын спортын мастер З.Пэрэнлэймаа 28 оноогоор, харваач хүүхдүүдээс С.Загдсүрэн 10 оноогоор тус тус тэргүүллээ.