Украин улс Монголоос нүүрс авах сонирхол их байна

Украины Эрчим хүч, нүүрсний яам Монголын уул уурхайн салбарт хөрөнгө оруулах боломжийг судлах ажлын хэсгийг байгуулжээ. Энэ талаарх яриа хэлэлцээр өнгөрсөн жилээс анх хөндөгдсөн юм. Украины зүгээс Монгол Улстай хамтран боломжит салбар нь уул уурхай гэх байр суурийг эртнээс илэрхийлсээр иржээ. Харин энэхүү хүслийг Ерөнхийлөгч Ц.Элбэгдорж тааламжтайгаар хүлээж авснаар ийнхүү Украинд энэ чиглэлийг судлах ажлын хэсэг байгуулагдсан юм байна. Украин улс Монголоос нүүрс авах сонирхол их байгаа ч төмөр замаар тээвэрлэхэд зардал өндөр гарч байгаа нь хүндрэл учруулж байна гэж мэргэжилтнүүд үзэж байна. "Dragon Capital" хөрөнгө оруулалтын компанийн шинжээч Александр Макаров Монголоос Украин руу нүүрс зөөхөд тээврийн зардал тонн тутамдаа бараг 80 ам.доллар хүрнэ гэсэн тооцоо хийжээ.   

С.Төгөлдөр