“Цаатан фестиваль” ирэх сарын 7, 8-нд болно

Энэхүү арга хэмжээг  17 дахь жилдээ зохион байгуулж буй. Цаатан иргэдийн өвөрмөц аж амьдралын соёл, ёс заншил, Дархад цаатан бөөгийн ёс заншлыг түгээн дэлгэрүүлэхэд чиглэнэ. Мөн сүүлийн жилүүдэд тоо толгой нь цөөрч байгаа цаа бугийг хамгаалах, өсгөн үржүүлэхэд хувь нэмэр болох, нутгийн иргэдийн амьжиргааны түвшинг сайжруулах, орлогыг нэмэгдүүлэх аялал жуулчлалын эвентийг шинээр бий болгох зорилготой аж.

Уг фестивалийн үеэр цааны уралдаан, цаатан иргэдийн амьдрал ахуйтай танилцах, зургаа авахуулах зэрэг олон боломж иргэдэд олддог. Энэ наадмыг “Монтрейвэл” компани Хөвсгөл далайн эрэгт байрлах жуулчны баазад зохион байгуулна. Тэр үед  жуулчид Хөвсгөл далайн эрэгт амарч аялангаа цаатан иргэдийн аж амьдралыг үзэх төдийгүй олон сонирхолтой арга хэмжээнд оролцох боломж бүрдэх юм.