Тавантолгойн замд дахин нэг жолооч шатаж амиа алдлаа
Тавантолгойн замд БНХАУ руу нүүрс тээвэрлэж явсан автомашины жолооч нас барсан эмгэнэлт хэрэг дахин гарчээ.
“North benz” маркийн том оврын ачааны автомашины жолооч А нь урдаа явсан автомашиныг мөргөсөн осол хоёр хоногийн өмнө гарсан байна. Ослын улмаас А нь автомашиндаа хавчуулагдаж нас баржээ. Жолооч нар түүний амийг аврах гэж оролдсон ч машин нь шатсанаар талийгаачийг аварч чадаагүй гэнэ. Осол хилээс нааш 80 км-ийн орчимд болжээ. Талийгаач нь Увс аймгийн харьяат 26 настай залуу байжээ.
Тавантолгойн ордоос урд хил рүү нүүрс тээвэрлэж буй автомашин, түүнийг эзэмшигчийн 80 гаруй хувь Хятад эзэнтэй компаниуд байдаг. Талийгаач мөн Хятад эзэнтэй автомашины жолоо барьдаг байсан байна. Автомашины эзэд ослын газар ирсэн ба талийгаачид даатгалын мөнгө өгөхгүй гэдгээ мэдэгдсэн аж. Учир нь жолоочийг согтууруулах ундаа хэрэглэсэн үедээ осол гаргасан гэж тайлбарласан байна. Гэхдээ А-г согтуугаар тээврийн хэрэгсэл жолоодсон эсэхийг хараахан тогтоогоогүй гэнэ. Ийм мэдээллийг Тавантолгойн нүүрсний тээврийн жолооч нарын зүгээс өглөө. Талийгаачийн ар гэрийнхэн өнөөдрөөс ослын газар очжээ.
Энэ осол анхных биш юм. Сар гаруйхны өмнө гэхэд үүнтэй төстэй осол гарч мөн нэг хүн амиа алдсан. Өнгөрсөн наймдугаар сарын эхээр Тавантолгойн ордоос Гашуунсухайтын замд, хилээс нааш 130 гаруй км-ийн орчимд Чойгийн тохой гэдэг газар нүүрс тээвэрлэн явж байсан автомашины жолооч нь эсрэг урсгалд зогсож байсан ачааны машиныг мөргөснөөр жолооч нь амиа алдсан харамсалтай үйл явдал болсон юм.
Тавантолгойн ордоос Гашуунсухайт хүртэлх сайжруулсан шороон замаар өдөртөө “Эрдэнэс Тавантолгой”, Энержи ресурс компанийн 1000 гаруй автомашин зорчдог бөгөөд энэ төрлийн осол гарах аюултай нөхцөл үүсээд байгаа юм. Өнөөдрийн байдлаар хилээс нааш 100 гаруй км-т нүүрс тээвэрлэсэн автомашины жолооч нарын цуваа үүссэн байна.
Т.Түвшин
ZINDAA.MN
Холбоотой мэдээ
Сэтгэгдэл ( 9 )
Huniig urt hugatsaagaar ajiilluulj hudulmriin ayulgui baidal aldagdsan yum bishuu
Ene zaluus ajil oldohgyu bolohoor l argaa baraad Ene hyatdiin mashun bardag gasar gasraas zaluus baigaa gesen ened toroos anhaaral Handuulaash arai denduu bainaa daa.heden Joloosh naraa dandaa buruutgana haramsaltai. Haruyshlaga huleehgyun muld soloosh buruuman bolj balna daa.ene bol haramjaltai.
Amldrah gej baisan saihab zaluu l nas barsan Baina shuu dee.ene baidliug zohishuulah arga alga uu.
Haramsaltai l baina daa.hairan saihan zaluu. Ene baidliig zasah arga alga uu.mor baina uu.
Arai l denduu yumaa hairan shan zaluu um mani bad mi hum ene zaluu ar geree tejeeh geed l yavj bsan taaraa ene oocher dugaariig ni turuus ni zohitsuulj boldoggui yumuu hujaa nar ugaasaa mongoloos hun uhej l bval bayarlana sh dee tiim bolood l ar gert ni nuhun tulbur uguhgui gej bgaa sh dee er ni heden jolooch nariin ami nas deesen duruun deer yavdag yum bishuu ene jolooch nar chini amidrah gej l yavaa humuus sh dee ter tsagdaa nar ni jolooch nartaa hyanalt taviad arhi uusan bol ter dor ni arga hemjeegii ni avaad mashin tergiig ni juramlaad yavj bsan bol yu gej hunii erdenet ami uregdehev dee
Төмөр Зам барьсан байсан бол юу гэж л ингэж бөөн бөөнөөрөө үхэх вэ дээ
Женко
Hairan saikhan Mongol hunii ami.Uneheer ene baidliig zasch zalruulah arga baidaggui yum baihdaa.
toriin erh medeltengyyd alban tushaaliin naimaagaa yariad uls orond ni iim ayuluud garaad baihad chimeegui l suuj baidag uls umdaa, dendyy umaa