Дарьганга сумынхан орж, гарах хаалгатай болно

Сүхбаатар аймгийн Дарьганга суманд үдэлт угталтын хаалга барьж эхэлжээ. Үдэлт угталтын хаалгаар тухайн аймаг, сум орон нутгийн онцлогийг илэрхийлдэг. Тэгвэл тус хаалгыг дан боржин чулуугаар бүтээж байгаа бөгөөд дээд талд нь төрийн соёмбо, Дарьгангын хурдан хүлгүүдийг дүрсэлжээ.

Дарьганга сум нь үдэлт угталтын хаалгыг нутгийн иргэдийн хандиваар барьж байгаа бөгөөд нийт 100 гаруй сая төгрөгийн өртөгтэй. Одоогоор хаалганы бетонон суурийг цутгаж дуусгажээ.

Үдэлт угталтын хаалгыг нутгийн шүтээн уул Алтан-Овооны зүүн энгэрт сүндэрлүүлж байгаа гэнэ. Гүйцэтгэгчээр "Үүдэн чулуу" ХХК ажиллаж байгаа аж.

Л.Зул

www.zindaa.mn